UFC 308. Iliya Topuriya Maks Holloueyni uchinchi raundda nokautga uchratdi

Kecha, 26 oktyabr kuni Abu-Dabi (Birlashgan Arab Amirliklari) shahrida boʻlib oʻtgan UFC 308 turnirida oqshomning asosiy jangi engil vazn toifasida amaldagi UFC chempioni, ispaniyalik Iliya Topuriya va mashhur amerikalik jangchi Maks Hollouey oʻrtasida boʻlib oʻtdi.

Mazkur jang Iliya Topuriyaning uchinchi raundda raqibi ustidan nokaut evaziga gʻalaba qozonishi bilan yakunlandi. Shu tariqa, Iliya UFC chempionligi uchun ilk himoyasini muvaffaqiyatli amalga oshirdi va qatorasiga 16-gʻalabasini qoʻlga kiritdi.

Iliya Topuriya 27 yoshda. Ispaniyalik (kelib chiqishi gruziyalik) jangchi faoliyatini magʻlubiyatsiz davom ettirmoqda. Ayni paytda u UFC rasmiy reytingida vazn toifasidan qat'iy nazar eng yaxshi jangchilar orasida toʻrtinchi oʻrinni egallab turibdi.

Uning raqibi Maks Hollouey esa ushbu reytingda 11-oʻrinni egallab turibdi. “Zamin” yangiliklarini “Telegram”da kuzatib boring