Ushu bo‘yicha jahon chempionatining O‘zbekiston tarixidagi birinchi oltin medali (+foto)

O‘zbekiston ushuchilari Bolgariyada o‘smirlar o‘rtasida jahon birinchiligida medallarni qo‘lga kiritdi.
25 sentyabrdan 3 oktyabrga qadar Bolgariyaning Burgas shahrida ushu bo‘yicha o‘smirlar o‘rtasida 6-jahon chempionati bo‘lib o‘tdi, deb xabar bermoqda "gazeta.uz" nashri.

Turnirda 53 mamlakatdan 800 nafar sportchi ishtirok etdi. O‘zbekiston termasi Dilshod Bozorov va Jamoliddin Salimjonov murabbiyligi ostida 11 sportchi bilan qatnashdi. Ularning 7 nafari taolu, 4 nafari sanda yo‘nalishida ishtirok etdi.

Musobaqa yakunlariga ko‘ra, O‘zbekiston vakillari bir oltin va bir bronza medalini qo‘lga kiritdi. Tayoq bilan kompleks chiqishda eng yaxshi natijani ko‘rsatgan Darya Latishova birinchi o‘rinni egallagan bo‘lsa, Azizbek Isroilov sanda yo‘nalishida uchinchi deb topildi.



“Zamin”ni Telegramʻda oʻqing!