30 noyabr kuni O‘zbekiston Superligasida 2024 yilgi mavsum yakuniga yetadi. 26-turdan avval faqat mamlakat chempioni nomi ma’lum. Kumush va bronza medal egalari oxirgi turda ma’lum bo‘ladi. Superligani to‘g‘ridan to‘g‘ri tark etadigan klub nomi ham hozircha aniq emas. O‘tish o‘yinida ishtirok etuvchi klublar ham 30 noyabr kungi bahslardan keyin ma’lum bo‘ladi.
Kumush medal uchun kimlarda imkoniyat bor: OKMK, "So‘g‘diyona" va "Navbahor".
Bronza medal uchun kimlarda imkoniyat bor: OKMK, "So‘g‘diyona" va "Navbahor".
Ya’ni mana shu uch klubdan ikkitasi medallarga ega chiqadi. Bittasi chempionatni hech nimasiz yakunlaydi. To‘g‘ri "Neftchi" ochkolar soni bo‘yicha tepadagi klublarga yetib olishi mumkin. Lekin qo‘shimcha ko‘rsatkichlar bo‘yicha Farg‘ona klubi baribir kuchli uchlikka kira olmaydi. Sababi "Neftchi" o‘zaro o‘yinlarda "So‘g‘diyona"dan ham, "Navbahor"dan ham ustun kela olmagan.
Superligani to‘g‘ridan to‘g‘ri tark etishi mumkin bo‘lgan klublar soni ikkita: "Lokomotiv" va "Metallurg". Hozircha bu klublar orasidagi farq 1 ochkoga teng. Oxirgi turdan keyin qaysi klub 14-o‘rinda bo‘lsa o‘sha Pro ligaga ravona bo‘ladi.
Agar "Lokomotiv" va "Metallurg" klublarining ochkolari teng bo‘lib qolsa dastlab o‘zaro o‘yinlarga qaraladi: 2:2 va 1:1. Bu borada mutlaq tenglik. So‘ngra barcha o‘yinlardagi to‘plar farqiga qaraladi: Bu borada "Metallurg"ning imkoniyati yaxshi. Ya’ni oxirgi turda "Lokomotiv" mag‘lub bo‘lsa va "Metallurg" durang o‘ynasa Bekobod klubi 13-o‘ringa chiqadi.
Pro liga klublari bilan o‘tish o‘yinlarida qaysi klublar ishtirok etishadi? 12 va 13-o‘rinlarni quyidagi klublar egallashi mumkin: "Qizilqum", "Bunyodkor", "Olimpik", "Lokomotiv" va "Metallurg".
Yana bir intriga Superliga to‘purari kim bo‘ldi? Oxirgi turdan oldin "Paxtakor" vakili Dragan Cheran 13 ta gol bilan peshqadam bo‘lib turibdi. Bugun gol urgan "So‘g‘diyona" legioneri Lyupcho Doriyev o‘z gollarini 12 taga yetkazib oldi. Cheran juda katta ehtimol bilan bu yil boshqa maydonga tushmaydi. Doriyevda esa 90 daqiqa vaqt bor. "Navbahor" hujumchisi Toma Tabatadze so‘nggi turda xet-trik qayd etsa Cheranga yetib oladi. "Dinamo" vakili Anvarjon Hojimirzayev esa mavsumni 10 ta gol bilan yakunlaydigan bo‘ldi. Sababi uning sariq kartochklari soni 4 taga yetdi va 26-turda maydonga tusha olmaydi.
Narzulla Saydullayev
Manba: championat.asia “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Italiya sudi Quddus Isroil poytaxti emasligi haqida qaror chiqardi
2026 yilda bo‘lajak mundialning favoritlari reytingi taqdim etildi
Putin Ukrainadagi obyektga ballistik raketa zarbasi berilganini e’lon qildi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
O‘mon sultonligi elchisi: «Urushlarni harbiy kuch bilan hal qilib bo‘lmaydi»
