Foto: Getty Images
17 dekabr oqshomida Qatarda FIFA tomonidan o‘tkazilgan tantanali marosimda The Best sovrinining har bir nominatsiyasi bo‘yicha g‘oliblar nomi e’lon qilindi. Kutilganidek, Vinisius FIFA talqiniga ko‘ra, o‘tgan mavsumning eng yaxshi o‘yinchisi deb topildi.
Yilning eng yaxshi futbolchisi — Vinisius Junior («Real», Braziliya)
Ushbu nominatsiyaga Jud Bellinghem, Dani Karvaxal, Kilian Mbappe, Federiko Valverde («Real»), Erling Holand, Rodri («Manchester Siti»), Toni Kroos, Lionel Messi («Inter Mayami»), Florian Virts («Bayer») va Lamin Yamal («Barselona») ham da’vogarlik qilgan edi.
FIFA prezidenti Janni Infantino konvertni ochib, braziliyalik futbolchini davrga chaqirdi va sovrinni unga topshirdi.
Yilning eng yaxshi murabbiyi — Karlo Anchelotti («Real»)
Yilning eng yaxshi murabbiyi nomi ham «Real» bilan bog‘liq bo‘ldi. Jamoaning italiyalik ustozi Karlo Anchelottiga Arsen Venger sovrinni topshirdi.
Shuningdek, Pep Gvardiola («Manchester Siti»), Lionel Skaloni (Argentina milliy jamoasi), Luis de la Fuente (Ispaniya milliy jamoasi) va Xabi Alonso («Bayer») ham nomzodlar qatoridan joy olgandi.
Yilning eng yaxshi darvozaboni — Emiliano Martines («Aston Villa», Argentina)
Argentinalik ushbu darvozabon yaqinda Pushkash sovrinini ketma-ket ikkinchi marta qo‘lga kiritgan bo‘lsa-da, FIFA tomonidan ham o‘tgan mavsumning eng yaxshi darvozaboni deb topildi.
Nomzodlar qatorida Andrey Lunin, David Rayya, Ederson, Janluiji Donnarumma, Mayk Menyan va Unai Simon singari darvozabonlar bor edi.
Yilning eng chiroyli goli (Pushkash mukofoti) — Alexandro Garnacho
«Manchester Yunayted»ning argentinalik yarimhimoyachisi tomonidan 2023 yilning 26 noyabr kuni «Everton» darvozasiga akrobatik usulda yo‘llagan supergol kutilganidek, FIFA tomonidan yil goli deb topildi.
FIFA talqiniga ko‘ra, o‘tgan mavsum ramziy jamoasidan quyidagi futbolchilar o‘rin oldi:
Darvozabonlar: Emiliano Martines
Himoyachilar: Dani Karvaxal, Antonio Ryudiger, Ruben Diash, Vilyam Saliba
Yarimhimoyachilar: Rodri, Jud Bellinghem, Toni Kroos, Lamin Yamal
Hujumchilar: Erling Holand, Vinisius.
Ma’lumot uchun, g‘oliblarni aniqlashda ularning 2023 yilning 21 avgustidan 2024 yilning 10 avgustigacha bo‘lgan davrdagi o‘yinlar natijalari inobatga olingan. Laureatlar milliy jamoa sardorlari, murabbiylar, muxlislar va OAV vakillarining ovoz berish orqali aniqlangan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Turkiya Suriyaning yangi hukumatini harbiy sohada qo‘llab-quvvatlamoqchi
Namanganda xalqaro ko‘rgazma: qiymati xonadonga teng otlar, 200 kiloli qo‘ylar va osmonga uchirilgan kabutarlar (foto, video)
Tramp Zelenskiyni urush tugashiga tayyorlanishga chaqirdi
Donald Tramp: “Prezident Erdo‘g‘on juda aqlli, Asad esa shafqatsiz qassob”
Rossiya Isroilni Golan tepaliklari borasida ogohlantirdi
Turkiya Suriya chegarasida qo‘shin to‘plamoqda
Suriya isyonchilari yetakchisi murojaat bilan chiqdi
Qoraqalpog‘iston va Namanganda minglab tonna ko‘mir talon-toroj qilindi
