Neymar "Barselona"dan nima sababdan ketganini oshkor qildi

“Barselona”ning braziliyalik sobiq hujumchisi Neymar, 2017 yilda katalon klubini tark etishi sababi va ketishi oldidan sobiq jamoadoshi Lionel Messi unga nima deganini oshkor qildi.

"Maqsadim individual sovrinlarni yutish boʻlmagandi. Toʻgʻrisini aytsam, bunday narsalar xayolimga ham kelmagandi.

Dunyoning eng yaxshisi boʻlish uchun "Barselona"dan ketmadim. Ketishimga oz qolganida Messi mendan soʻradi: "Nega ketmoqchisan? Dunyoning eng zoʻri boʻlmoqchimisan? Men seni eng zoʻri qilaman", degandi.

Biroq gap bunda emasdi. Albatta, moliyaviy tomonlama PSJning taklifi "Barselona"nikidan ancha yaxshi edi, u erda braziliyaliklar ham koʻproq boʻlgandi, ular mening doʻstlarim. Barchasini xavf ostiga qoʻydim, lekin dunyoning eng zoʻri boʻlish haqida oʻylamadim", - dedi "Al Hilol" futbolchisi.

Neymar “Barselona” safida 2013 yildan 2017 yilgacha toʻp surgan. U shu vaqt ichida barcha turnirlar doirasida 186 ta oʻyinda maydonga tushib, 105 ta gol urgan va 76 ta golli uzatma amalga oshirgan. Messi “Barselona”ni 2021 yilning yozida tark etdi. “Zamin” yangiliklarini “Telegram”da kuzatib boring