“Real Madrid” oʻz maydonida “Las-Palmas”ni magʻlub etib, peshqadamga aylandi (video)

Ispaniya chempionatining 20-turi doirasidagi “Real Madrid” – “Las-Palmas” uchrashuvi 19 yanvar, yakshanba kuni boʻlib oʻtdi.

Oʻyinning ilk soniyalaridanoq mehmonlar hujumga oʻtdi va bu oʻz natijasini bedi. Fabiu Silva 29-soniyada hisobni ochdi.

Gol oʻtkazib yuborganidan soʻng jahli chiqqan madridliklar birinchi boʻlimning oʻzidayoq toʻrtta gol urdi, ularning uchtasi hisobga olindi. Mbappedan dubl, Braim Dias ham oʻz familiyasini tabloga yozdirib qoʻydi.

Ikkinchi boʻlimda ham Madrid klubi hujumkor boshladi. 57-daqiqaga kelib Rodrigo yana bir gol urib, hisobni yanada yiriklashtirdi. Oʻyinning ikkinchi qismida ham “Real” ikkita gol urdi, biroq ular ham oʻyindan tashqari holat sabab bekor qilindi.

"Real" — "Las-Palmas" 4:1
Gollar: 0:1 – 1 Fabiu Silva, 1:1 – 18, penalti Mbappe, 2:1 – 33 Braim Dias, 3:1 – 36 Mbappe, 4:1 – 57 Rodrigo.
"Real": Kurtua, Fran Garsiya, Ryudiger (Alaba, 76), Asensio, Vaskes (Aguado, 87), Valverde, Sebalos (Andres, 83), Bellingem, Braim Dias (Gyuler, 76), Rodrigo (Endrik, 84), Mbappe.
"Las-Palmas": Sillessen, Munos (Luaodis, 58), Makkenna, Ertsog (Benito Ramires, 46), Suares, Moleyro (Fuster, 58), Rodriges, Marmol, Xavi Munos, Sandro Ramires (Kardona, 80), Fabiu Silva (Makberni, 69).
Ogohlantirish: Sandro Ramires (45+3).
Chetlatish: Benito Ramires (64).

Shunday qilib, 20-turdan soʻng “Real Madrid” 46 ochko bilan 1-oʻringa chiqib oldi. Jamoa hamshahari “Atletiko”dan 2, asosiy raqibi hisoblangan “Barselona”dan 7 ochko ilgarilab ketdi. “Zamin” yangiliklarini “Telegram”da kuzatib boring