“Siti” muxlislar Abduqodirning transferiga qanday baho beryapti?

Abduqodir Husanovning “Manchester Siti”ga koʻchib oʻtishi 2025 yilning eng shov-shuvli transferlaridan boʻldi, deyish hech qanday mubolagʻa emas.

Xosep Gvardiola roziligi bilan klubga taklif etilgan 20 yoshli himoyachi uchun “shaharliklar” 50 million yevro toʻlagani bu transferning ahamiyatidan dalolat beradi. Yaqin kelajakda oʻzbek futboliga aloqador bunaqa katta transfer yana qachon amalga oshirilishi dargumon.

Professional faoliyatini boshlaganidan beri Abduqodir Husanov avval Belarus, keyin esa Fransiyadagi muxlislar mehrini, ehtiromi va e'tiborini qozonib kelgan. Oʻzbekistonlik futbol ishqibozlari har doim bu oʻyinchini qoʻllab-quvvatlab turadi.

Endi navbat, zamonaviy futbol vatani Angliyaning talabchan fanatlariga. Hozircha “Manchester Siti” muxlislarining oʻzbek futbolchisiga boʻlgan munosabati juda ijobiy.

“Manchester Siti” klubi muxlislarining Abduqodir Husanov transferi boʻyicha fikr-mulohazalarini oʻzbekistonlik futbol ishqibozlari e'tiboriga havola qilamiz.

Out of Contest Mich:
Husanovni dunyoning eng zoʻr klubiga kelgani bilan qutlaymiz!

Napaul:
Husanovning kelishi bilan jamoada qayta tiklanish boshlansin!

Szøbø:
Abduqodir Premer-ligada nimalarga qodirligini endi bilib olamiz...

D1Br7ne:
“Manchester Siti”da yangi era boshlandi.

Vusumuzi Mazibuko:
Husanov, xush kelibsan. Zaxirada oʻtirib qolma!

Giddygiddy:
Birinchi oʻyindayoq, boshlangʻich tarkibga oʻynasin!

Leo:
“Manchester Siti” yangi oʻyinchilarni ola boshladi. Husanov xush kelibsan!

Hal Elance:
Manchesterliklar, bizning yigitimizni ehtiyot qilinglar. Tez orada u jahon futbolining eng zoʻr markaziy himoyachisiga aylanadi.

Kaptain Kush:
Husanov “Manchester Siti”ning dunyoning eng zoʻr klubi ekanini bilgan holda kelgan!

Ismael Mansoor:
Bu yosh himoyachi hali “Manchester Siti” uchun juda zoʻr oʻyinchiga aylanadi. Bu yigit yangi klubida nimalarga qodirligini koʻrsatishini intizorlik bilan kutyapmiz.

Eslatib oʻtamiz, “Manchester Siti” Abduqodir Husanov bilan 2029 yilning yarmigacha davom etadigan shartnoma imzoladi va tomonlar oʻzaro kelishgan holda hamkorlikni yana bir yilga uzaytirishi mumkin. Legionerimiz yangi jamoasida 45-raqamni tanlagan. “Zamin” yangiliklarini “Telegram”da kuzatib boring