Abduqodir Husanov “Manchester Siti” e'tiboriga qachon tushgan edi?

Abduqodir Husanov uchun “Manchester Siti”ning “Lans”ga jami 50 million yevro toʻlagani bu transferni Fransiya klubi tarixidagi eng daromadli kelishuvga aylantirdi.

Evropa futbolida yorqin talant egalari juda koʻp. Biroq qit'aning grand klublari oʻyinchi tanlashda kuchli kriteriyalarni oʻrtaga qoʻyadi, har bir badavlat jamoa ham yosh futbolchi uchun katta miqdorda pul tikavermaydi.

Shu ma'noda, Abduqodir Husanov zimmasida katta mas'uliyat turibdi. Angliyaning amaldagi chempioni boʻlgan “Manchester Siti”dek baquvvat klub oʻzbek futbolchisiga qachon e'tibor qaratdi?

Bu ma'lumotlarni Husanovning agenti Gayrat Xasbiullin Rossiyaning championat.com saytiga bergan intervyusida keltirib oʻtdi.

– Husanovga “Manchester Siti”ning qiziqishi qachon paydo boʻldi?
– 2024 yilning noyabr oyi oxirida. Bizga skautlarning kuzatayotgani haqida ma'lumotlar kelib turgandi.

“Lans” vakillari “Manchester Siti” jiddiy qiziqayotganini ma'lum qildi. Dekabr oyining boshida bu masalada jiddiy muloqotlar boshlandi.

Oʻsha payt Angliya Premer-ligasining qariyb 12 ta klubidan qiziqish boʻlgandi. Ularning orasida “Siti” ham boʻlishi tushunarli edi.

Lekin barcha klublar ham moliyaviy feyr-pley tufayli tomonlarni qoniqtiradigan taklif berish borasida etarli imkoniyatga ega boʻlmagan.

“Manchester Siti”da bunaqa muammo yoʻq edi. Shu bois, ular “Lans”ni transferga juda tez koʻndirishdi. Biz bilan kelishish qolgandi xolos.

– Muzokaralar qanchalik ogʻir boʻldi?
– Rostini aytaman, jamoamiz har kuni ham bunaqa katta transferlarni amalga oshirmaydi. Umuman olganda, hammasi tez boʻldi, chunki “Lans”ning ham, “Manchester Siti”ning ham aniq maqsadi bor edi.

Bu borada Belarusning “Energetik-BU” jamoasidan Fransiyaning “Lans” klubiga tushish qiyinroq. Bir kunda uch-toʻrtta klub hujumga oʻtgan holatda transfer haqida kelishib olish ortiqcha qiyinchilik tugʻdirmaydi.

Eslatib oʻtamiz, “Manchester Siti” Abduqodir Husanov bilan 2029 yilning yarmigacha davom etadigan shartnoma imzoladi va tomonlar oʻzaro kelishgan holda hamkorlikni yana bir yilga uzaytirishi mumkin. Legionerimiz yangi jamoasida 45-raqamni tanlagan. “Zamin” yangiliklarini “Telegram”da kuzatib boring