Bu koʻrsatkich boʻyicha Abduqodir Husanov beshinchi oʻrinda

Xabaringiz bor, bir necha kun avval Abduqodir Husanov "Lans"dan "Manchester Siti" safiga koʻchib oʻtdi. E'tiborlisi, Abduqodir Husanov MDH davlatlari futbolchilari transferlari ichida TOP-10dan oʻrin oldi.

Aniqroq aytadigan boʻlsak, Oʻzbekiston terma jamoasi himoyachisining "Lans"dan "Manchester Siti"ga oʻtishi ingliz klubiga 40 mln yevroga tushdi. Bu koʻrsatkich boʻyicha Husanov beshinchi pogʻonani band etdi.

Undan oldinda faqatgian Mixailo Mudrik ("Shaxter"dan "Chelsi"ga, 70 mln yevro), Xvicha Kvarasxeliya ("Napoli"dan PSJga, 70 mln yevro), Andrey Shevchenko ("Milan"dan "Chelsi"ga, 43,9 mln yevro) va Genrix Mxitaryan (Dortmundning "Borussiya"sidan "Manchester Yunayted"ga, 42 mln yevro) oʻrin olgan.

Umid qilamizki, Abduqodir Husanovning APLdagi faoliyati ham yorqin boʻlib, koʻplab reytinglarda yuqori oʻrinlarni egallaydi.
“Zamin” yangiliklarini “Telegram”da kuzatib boring