Abduqodir Husanov “Lester”ga qarshi o‘yinda nega ishtirok etmadi?

Angliya Premer-ligasining 30-turidan o‘rin olgan “Manchester Siti” – “Lester” uchrashuvida o‘zbekistonlik himoyachi Abduqodir Husanov maydonga tushmasligi ma’lum bo‘ldi.

Avvalroq ijtimoiy tarmoqlarda futbolchining qaydnomaga kiritilmasligi jarohat sababli bo‘lishi mumkinligi haqida xabarlar tarqalgan edi. Biroq, “Manchester Siti” klubi rasmiy ravishda bu holatga izoh berdi.

🔹 Husanovga oddiy dam berildi

Klub matbuot xizmati ma’lumotiga ko‘ra, Abduqodir Husanovda hech qanday jarohat yo‘q. Mutaxassislar uning tiklanishi va keyingi uchrashuvga yaxshi holatda bo‘lishi uchun unga ushbu o‘yinda dam berishgan.

Keyingi o‘yinda ishtirok etishi mumkin

Futbolchi “Manchester Siti”ning keyingi turdagi “Manchester Yunayted”ga qarshi muhim derbi uchrashuviga tayyorgarlik ko‘radi. Uning ushbu bahsda maydonga tushishi mumkinligi taxmin qilinmoqda.

Eslatib o‘tamiz, “Manchester Siti” bugun “Lester”ga qarshi o‘ynaydi. Ushbu o‘yindan keyin “shaharliklar” uchun chempionlik poygasidagi muhim bosqichlardan biri – shahar derbisi bo‘lib o‘tadi.

Husanov muxlislari uni tez orada maydonga qaytishiga umid qilishmoqda! “Zamin” yangiliklarini “Telegram”da kuzatib boring