Anchelotti kelajagi haqida savolga kulib javob berdi

Real Madrid bosh murabbiyi Karlo Anchelotti Chempionlar Ligasi chorak finalidan chiqib ketgach, o‘z kelajagi haqida fikr bildirdi, deb euro-football.ru xabar berdi. Madridliklar Arsenalga qarshi ikki uchrashuvda yutqazib, umumiy 1:5 hisobida turnirni tark etishdi.

Movistar telekanaliga bergan intervyusida Anchelottiga quyidagi savol berildi:
– Bu Real bilan Chempionlar Ligasidagi so‘nggi o‘yingiz bo‘lishi mumkinmi?
– Bu mavsumda – ha, – deya kulib javob berdi Anchelotti. – Kelajagim qanday bo‘lishini bilmayman. Va bilishni ham istamayman, – deb qo‘shimcha qildi italiyalik murabbiy.

Endi Karlo Anchelotti Realni 20-aprel, yakshanba kuni Atletikga qarshi La Liga o‘yiniga tayyorlaydi. Uning amaldagi shartnomasi 2025/2026-yilgi mavsum oxirigacha mo‘ljallangan. “Zamin”ni Telegramʻda oʻqing!