Gvardiola uchun mavsumdagi mag‘lubiyatlar antirekordga aylandi

Angliya kubogi finalida “Manchester Siti”ning “Kristal Pelas”ga (0:1) yutqazishi jamoa murabbiyi Pep Gvardiola uchun noxush statistik yangilik bilan yodda qoldi. Ispaniyalik mutaxassis bu mavsumda o‘z faoliyatidagi eng ko‘p mag‘lubiyat qayd etgan yilga guvoh bo‘ldi — 16 ta!

Shu paytgacha Gvardiola boshqaruvidagi “Siti” “Tottenhem” (ikki marta), “Bornmut”, “Brayton”, “Sporting”, “Liverpul” (ikki marta), “Yuventus”, “Manchester Yunayted”, “Aston Villa”, PSJ, “Arsenal”, “Real Madrid” (ikki marta) va “Nottingem Forest”ga qarshi bahslarda mag‘lub bo‘lgan.

Pep uchun bu antirekord nafaqat “Siti”da, balki “Barselona” va “Bavariya”dagi muvaffaqiyatli yillarini ham ortda qoldirdi. Mutaxassisning o‘zi uchun o‘zi o‘rnatgan yuqori standartlar fonida bunday natija ko‘pchilikni hayratga soldi.

Zamin.uz tahririyati Pep Gvardiolaning jamoa rivojiga qanday yo‘l tutishi, mavsum so‘ngida qanday xulosa chiqarishi bilan qiziqishda davom etadi. Siz bu yilgi “Siti” natijalarini qanday baholaysiz? “Zamin”ni Telegramʻda oʻqing!