Alan Shirer: “Amorim “MYU”dagi vaziyatni to‘g‘ri baholay olmagan”

Angliya futboli afsonalaridan biri — Alan Shirer “Manchester Yunayted”ning Yevropa ligasi finalida “Tottenxem”ga 0:1 hisobida yutqazganidan so‘ng jamoa holatiga keskin baho berdi. Unga ko‘ra, jamoa bosh murabbiyi Ruben Amorim “Old Trafford”dagi vaziyat jiddiy ekanini vaqtida anglamagan.

“Men avval ham aytganman: Amorim “MYU”da uzoq vaqt o‘tiradi, deb o‘ylamayman. U kelgusi mavsum boshigacha jamoadan ketsa, ajablanmayman. Bu klub yoki uning shaxsiy qarori bo‘ladimi – muhim emas”, – dedi Shirer.

Shirer fikricha, murabbiy jamoaga kutilgan darajada ta’sir ko‘rsatolmadi, aksincha, vaziyatni yanada og‘irlashtirdi: “Agar “MYU” finalda g‘alaba qozonganida, ehtimol muammolar vaqtincha niqoblangan bo‘lardi. Ammo kechagi 97 daqiqadagi o‘yin ularning asl holatini ochib tashladi. Hech qanday kreativlik, maydonda energiya ham, aniq reja ham ko‘rinmadi.”

Uning ta’kidlashicha, jamoa hozir tubanlikda. “MYU”da hujumda xavf yo‘q, kuch yo‘q, ruhiy tayyorgarlik – yo‘q darajasida. Shirer bu sharmandalikni amaldagi bosh murabbiyning mas’uliyati sifatida baholadi.

Zamin.uz tahririyati jamoadagi ehtimoliy o‘zgarishlar, Amorimning taqdiri va “MYU”ning keyingi rejalari borasidagi yangiliklarni yoritishda davom etadi. Siz Shirerning bu tanqidlari bilan rozmisiz? “Zamin”ni Telegramʻda oʻqing!