Ronaldu tanlov oldida – Neymar ketgan jamoa unga qiziqmoqda

Futbol dunyosidagi eng mashhur yulduzlardan biri — Krishtianu Ronaldu kelajagi borasida muhim qaror ostonasida turibdi. Saudiya Arabistonining “Al-Nassr” klubi sardori faoliyatini qayerda davom ettirishni muhokama qilmoqda. 40 yoshni qarshilab turgan portugaliyalik afsonaviy futbolchida hozirda ikki yo‘nalish mavjud.

Birinchi variant — unga yaxshi tanish bo‘lgan va ikki mavsumdan buyon sharafini himoya qilayotgan “Al-Nassr” klubida qolish. Klub rahbariyati Ronaldudan hali ham katta foyda olish mumkinligini hisobga olgan holda, u bilan yana bir mavsum hamkorlik qilish niyatida. Jamoa muxlislari ham Ronalduning professional yondoshuvini va maydondagi taʼsirini yuqori baholashmoqda.

Ikkinchi yo‘nalish esa Saudiyaning boshqa grand klubi — “Al-Hilol” tomonidan taklif etilayotgan yangi imkoniyat. Maʼlumotlarga ko‘ra, klub rahbariyati Neymardan so‘ng jamoaga yana bir super yulduzni olib kelish niyatida va bu yo‘nalishda birinchi navbatda Ronalduni ko‘rmoqda. Katta marketing salohiyatiga ega, futbol tarixi uchun muhim figura bo‘lgan Ronaldu “Al-Hilol” uchun ideal variant sifatida baholanmoqda.

Hozirda Ronalduning o‘zi qaror qabul qilish uchun vaqt olmoqda. Uning atrofidagi insayderlar so‘zlariga ko‘ra, portugaliyalik yulduz har ikki klubda ham ulkan salohiyatni ko‘rmoqda. Bir tomonda sinovdan o‘tgan muhit va muxlislarning ishonchi, ikkinchi tomonda esa yangi loyiha, yangi motivatsiya va ehtimol, yana-da yuqori maosh.

Qanday qaror qabul qilinishi hozircha noaniq. Bir narsa aniq — Ronaldu qaysi jamoada o‘ynamasin, u hali ham futbolga katta taʼsir ko‘rsatishga qodir futbolchi bo‘lib qolmoqda. Yaqin kunlarda uning taqdiriga oydinlik kiritilishi kutilmoqda. “Zamin”ni Telegramʻda oʻqing!