Budapesht shahrida jadallik bilan o‘tayotgan dzyudo bo‘yicha jahon chempionati nafaqat sport bahslari, balki muhim tashkilotchilik jarayonlari bilan ham ahamiyat kasb etmoqda. Mazkur nufuzli musobaqa doirasida Xalqaro dzyudo federatsiyasi (IJF) Atletlar komissiyasiga yangi a’zolarni saylash jarayoni boshlandi.
E’tiborlisi, saylovda O‘zbekiston sharafini himoya qiluvchi, Parij-2024 Olimpiadasi g‘olibasi, dzyudochimiz Diyora Keldiyorova ham o‘z nomzodini ilgari surdi. Uning IJF komissiyasidagi ishtirok etuvchi sifatida saylanishi nafaqat shaxsiy, balki milliy sportimiz uchun ham muhim voqelik hisoblanadi.
Saylovda faqatgina akkreditatsiyadan o‘tgan, ya’ni rasmiy ro‘yxatga kiritilgan sportchilar ovoz berish huquqiga ega. Demak, muvaffaqiyatli natija faqat jonkuyar va xalqaro maydonda tajribaga ega bo‘lgan sportchilarning qo‘llab-quvvatlashiga bog‘liq.
Keldiyorova ushbu kurashda dunyoning tengqur yulduzlariga — Ukrainadan Darya Bilodid, Yaponiyadan Ryonosuke Haga, Avstraliyadan Natan Kas hamda Braziliyadan Keytlin Kuadros kabi dzyudo namoyondalariga qarshi turmoqda.
Ma’lumki, Atletlar komissiyasi sportchilar manfaatlarini xalqaro miqyosda himoya qiladigan, muhim qarorlarda ishtirok etadigan organ hisoblanadi. Shu bois Diyora Keldiyorovaning bu lavozimga saylanishi uning faoliyatida yangi bosqichni anglatishi mumkin.
Ovoz berish jarayoni yaqin kunlarda yakuniga yetishi kutilmoqda. Dzyudo jamoatchiligi esa ushbu jarayonda o‘zbek sportchisining zafar quchishini kutmoqda. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
