"Roma"ning yaqinda tayinlangan bosh murabbiyi Jan Pero Gasperini jamoa tarkibini tubdan yangilash va o‘z taktik qarashlariga moslashtirish yo‘lida faol ish olib bormoqda. Aynan shunday o‘zgarishlar fonida, rimliklar safidagi o‘zbekistonlik hujumchi Eldor Shomurodovning kelajagi mavhum bo‘lib qoldi. Yangilanishlar jarayonida Gasperini uning o‘tgan mavsumdagi o‘yinini nostabil, ya’ni barqarorlikdan yiroq deb topib, asosiy rejalaridan chetga chiqardi.
Turkiyalik mashhur jurnalist Yag‘iz Sabunchuog‘luning ma’lum qilishicha, “Istanbul Bashakshehir” jamoasi “Roma” klubiga Shomurodovni xarid qilish bo‘yicha rasmiy taklif yo‘lladi va tomonlar hozirda kelishuvning yakuniy bosqichiga yaqinlashib qolgan. Transferning moliyaviy jihatlari hozircha oshkor qilinmagan bo‘lsa-da, kelishuv sodir bo‘lishi arafasida ekanligi ta’kidlanmoqda.
Ma’lumotlarga ko‘ra, so‘nggi haftalarda Shomurodovga AQSHning MLS chempionati klublari ham jiddiy qiziqish bildirgan, biroq hozirda Turkiya Superligasining ambitsiyali va yuqori maqsadlar uchun kurashayotgan klubi — “Bashakshehir” eng faol muzokara olib bormoqda.
Shomurodov uchun yangi chempionatda o‘ynash imkoniyati katta burilish nuqtasi bo‘lishi mumkin. Turkiya futbolida o‘ziga xos o‘yin uslubi va ishqibozlar muhiti mavjud. Bu transfer Eldorning xalqaro maydondagi tajribasini yanada boyitishi va yangi imkoniyatlar eshigini ochishi mumkin.
Shu bilan birga, “Roma” klubida ham yangi davr boshlanmoqda. Gasperini boshchiligida jamoa yangi futbolchilar va taktik o‘zgarishlar orqali yuqori maqsadlarni ko‘zlamoqda. Murabbiyning qarashlari esa, afsuski, Eldor Shomurodov uchun yana bir bor Yevropa futbolida yangi sahifa ochishga turtki berdi.
Tez orada ikki klub o‘rtasidagi muzokaralar rasman e’lon qilinishi va o‘zbekistonlik muxlislarni yangi transfer yangiliklari bilan quvontirishi kutilmoqda. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
