“Manchester Siti” bosh murabbiyi Pep Gvardiola "Pari Sen-Jermen"ning iqtidorli yosh futbolchisi Maxamadu Sangareni jamoa safida ko‘rishni istamoqda. Bu haqda RMC Sport nashri o‘z manbalariga asoslanib xabar berdi.
Ma’lum qilinishicha, manchesterliklar porloq kelajak egasi sifatida ko‘rilayotgan 18 yoshli hujumchiga besh yil muddatga mo‘ljallangan shartnoma taklif etishgan. Bu shartnoma futbolchi uchun yuqori darajada o‘sish va Yevropa futbolida o‘zini ko‘rsatish imkoniyatini berishi aytilmoqda.
Ayni damda Maxamadu Sangarening "PSJ" bilan tuzgan shartnomasi yakunlanishiga sanoqli kunlar qolgan. Bu holatdan samarali foydalanish maqsadida “shaharliklar” uni erkin agent sifatida, ya’ni bepul ravishda jamoa tarkibiga qo‘shib olishni rejalashtirmoqda.
O‘tgan mavsumda Sangare Parij klubining asosiy tarkibida deyarli maydonga tushmadi va bosh murabbiy Luis Enrike tomonidan o‘z iste’dodini namoyish etish imkoniyati berilmadi. Shu sababli, futbolchi klub bilan shartnomasini uzaytirmaslikka qaror qilgan va o‘z omadini Angliya futbolida sinab ko‘rishni niyat qilgan.
Ta’kidlash joizki, Gvardiola yosh futbolchilarning iqtidorini ochish bo‘yicha katta tajribaga ega va bu jarayonda Sangare uchun "Manchester Siti" juda qulay maydon bo‘lishi mumkin. Bu transfer amalga oshsa, jamoa kelajagini yanada mustahkamlab olish imkoniga ega bo‘ladi.
Yaqin kunlar ichida Sangare va "Manchester Siti" o‘rtasidagi muzokaralar natijalari ma’lum bo‘ladi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
