Pep Gvardiola: "Manchester Siti" sovrinsiz qolmadi, haqiqatni tan oling!

So‘nggi mavsumda “Manchester Siti”ning chempionliklardan biriga erisholmagani haqida gap-so‘zlar ko‘paydi. Ayrim jurnalistlar va futbol muxlislari “shaharliklar”ning mavsumni g‘alabasiz yakunlagani haqida fikr bildirmoqda. Biroq jamoa bosh murabbiyi Pep Gvardiola bu kabi bayonotlarga mutlaqo qo‘shilmaydi va o‘z jamoasining yutuqlarini munosib baholashni so‘raydi.

Sky Sports muxbiri Kave Solekolning “Manchester Siti” o‘tgan mavsumda chempionlikka erishmadi, degan so‘ziga Gvardiola javob qaytardi:
— Do‘stim, bu noto‘g‘ri fikr! Bu yolg‘on, buni sizga aytishga majburman. Balki shunday bo‘lishini xohlarsiz, ammo bu haqiqat emas. Biz Angliya Superkubogini yutib oldik! Albatta, bu siz uchun yetarli bo‘lmasligi mumkin, ammo bu sovrin — muhim yutuq! Biz biroz farqli, lekin asosiy maqsadlarimizning biriga erishdik!

2024 yil 10 avgust kuni bo‘lib o‘tgan Angliya Superkubogi uchun bellashuvda “Manchester Siti” va “Manchester Yunayted” jamoalari to‘qnash kelgan edi. Qattiq kurashli o‘yin asosiy vaqtda 1:1 hisobida yakunlandi, ammo penaltilar seriyasida “shaharliklar” 7:6 hisobida zafar quchishdi va Angliya Superkubogini ko‘tarishga muvaffaq bo‘ldi.

Pep Gvardiola o‘z shogirdlarining mehnati va kuchli ruhini e’tirof etgan holda, har bir sovrin katta mehnat va intilish natijasida qo‘lga kiritilishini ta’kidladi. Uning fikricha, “Manchester Siti” bu mavsumda ham o‘zini eng kuchlilar qatorida ko‘rsatib, muxlislarini xursand qildi.

Shu bilan birga, bosh murabbiy jamoa oldida yanada katta maqsadlar qo‘yilganini, kelgusi mavsumlarda yangi yutuqlar uchun yanada kuchliroq harakat qilishlarini bildirib o‘tdi. “Zamin”ni Telegramʻda oʻqing!