Abduqodir Husanov “Al-Ayn”ga qarshi o‘yinda qanday o‘ynadi? Barcha raqamlar

Klublar o‘rtasidagi Jahon chempionatining 2-tur bellashuvida “Manchester Siti” o‘z muxlislarini yana bir bor xursand qildi. Xosep Gvardiola shogirdlari Birlashgan Arab Amirliklarining “Al-Ayn” jamoasini yirik 6:0 hisobida mag‘lub etib, muddatidan oldin pley-off bosqichiga yo‘llanmani qo‘lga kiritdi. Bu bahs o‘zbekistonlik muxlislar uchun ham alohida ahamiyatga ega bo‘ldi — chunki asosiy tarkibda Abduqodir Husanov maydonga tushdi.

Abduqodir Husanov — yana asosiy tarkibda

Bir necha oylik tanaffusdan so‘ng asosiy tarkibga qaytgan yosh himoyachimiz bugungi uchrashuvda 61 daqiqa davomida faol harakat qildi va jamoa muvaffaqiyatiga o‘z hissasini qo‘shdi. Uni Gvardiola o‘yinning ikkinchi yarmida zaxiraga oldi, lekin Husanov bu qisqa vaqt ichida ham o‘zini yaxshi tomondan ko‘rsata oldi.

Husanovning statistikasi — barqaror va ishonchli o‘yin

Ushbu o‘yinda Abduqodir Husanovning qayd etgan ko‘rsatkichlari muxlislar va mutaxassislar tomonidan yuqori baholandi:
- O‘yin vaqti: 61 daqiqa
- Aniq uzatmalar: 63/68 (93%)
- Aniq uzun paslar: 4/5 (80%)
- Hujum chizig‘iga uzatmalar: 11
- Yaratilgan imkoniyatlar: 1
- Zarbalar: 1
- Zarbalar aniqligi: 0/1 (0%)
- Jami teginish: 80
- Raqib jarima maydonidagi teginish: 1
- To‘pni yo‘qotish: 0

Himoyadagi harakatlar:
- To‘pni tortib olish: 0/0 (0%)
- Tozalash: 1
- Bosh bilan tozalash: 1
- To‘sib olish: 1
- Qaytarib olingan to‘plar: 1
- Qarshi hujumda o‘tkazib yuborildi: 1

Yakkakurashlar va duellar:
- Yerdagi duellar: 2/6 (33%)
- Havodagi duellar: 2/2 (100%)
- Qo‘pollikka uchradi: 2
- Qo‘polliklar sodir etdi: 3

Hujumdagi faollik:
- Kutilayotgan gol (xG): 0.25

Muxlislar va mutaxassislar qanday fikrda?

Abduqodir Husanov o‘yin davomida yuqori aniqlikdagi paslar, katta ishonch va intizom bilan harakat qildi. Hujumni boshlashda faol ishtirok etgan, havodagi duellarda esa 100%lik natija qayd etgan yosh himoyachi, raqib hujumchilariga deyarli imkoniyat qoldirmadi. To‘pni yo‘qotmagani va tozalashlardagi harakatlari bilan ham jamoasiga ishonch qo‘shdi.

Shu o‘rinda, ushbu o‘yinda Husanov sariq kartochka olishi, ayrim duellarda qiynalgani va bir qancha qo‘polliklar sodir etgani qayd etilgan bo‘lsa-da, o‘yin so‘nggida Sofascore nashri tomonidan uning harakatlariga 7,2 ballik baholash berildi. Bu esa, himoyachi uchun yuqori ko‘rsatkich sanaladi.

Yakuniy xulosa
Abduqodir Husanovning “Al-Ayn”ga qarshi o‘yindagi statistikasi va namoyish etgan o‘yini uning tez orada sport formasini tiklab, “Manchester Siti”ning asosiy ustuniga aylanishi mumkinligidan darak bermoqda. Muxlislarimiz endi har bir o‘yinda undan yanada yuqori natija kutishga haqli. “Zamin”ni Telegramʻda oʻqing!