Jahon klublar chempionatidagi eng intrigali bahslardan biri oldidan “Al Hilol” bosh murabbiyi Simone Inzagi o‘zining aniq pozitsiyasi va haqqoniy e’tirofi bilan chiqdi. Murabbiy matbuot anjumanida “Manchester Siti” va shaxsan Pep Gvardiola haqida yuksak fikr bildirdi.
Inzagining aytishicha, Pep Gvardiola bugungi kunda dunyoning eng kuchli murabbiyi sifatida qaraladi. “Uning faoliyati va erishgan natijalari buni yaqqol isbotlab turadi. Pep o‘zi raqobatbardosh bo‘lib qolmoqda, yangi g‘oya va taktikalar bilan futbolni yanada rivojlantirmoqda”, — deydi italiyalik mutaxassis.
Inzagi “Manchester Siti” bilan bahs nafaqat shaxsan o‘zi, balki butun “Al Hilol” jamoasi uchun ham katta sharaf ekanini alohida ta’kidladi. “Bunday o‘yinlar futbolchilarimiz va jamoamizning o‘sishi uchun, yangi tajriba va motivatsiya olishida muhim ahamiyat kasb etadi. Gvardiolaning jamoasi bu musobaqada fantastik o‘yin ko‘rsatmoqda”, — deya qo‘shimcha qildi u.
Turnirning 1/8 finalida “Manchester Siti” va “Al Hilol” o‘rtasidagi to‘qnashuv jahon futboli muxlislari uchun katta qiziqish uyg‘otmoqda. Ayniqsa, Inzagi va Gvardiola o‘rtasidagi murabbiylik dueli turning asosiy intrigasiga aylandi.
Shu bilan birga, “Al Hilol” murabbiyi o‘z jamoasining tayyorgarligi va ruhiy holati yuqori ekanini qayd etib, muxlislarni yangi g‘alabalar bilan xursand etishga va’da berdi. Inzagi matbuot anjumanida: “Bunday katta o‘yinlar faqat natija uchun emas, balki o‘sish, o‘zini sinovdan o‘tkazish va futbolning go‘zalligi uchun ham kerak. Biz maydonda bor imkoniyatimizni ishga solamiz”, — deya so‘zini yakunladi.
Klublar chempionati oldidan Inzagining ochiq va ishonchli fikrlari “Al Hilol” muxlislarini ham, futbol ahlini ham kutilgan to‘qnashuvga yanada ko‘proq ruhlantirdi. Katta bahs oldidan barcha nigohlar maydonda bo‘ladi! “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
