Klublar o‘rtasidagi jahon chempionati 1/8 finali doirasidagi eng qiziqarli to‘qnashuvlardan biri – PSJ va “Inter Mayami” jamoalari o‘rtasidagi bellashuv uchun asosiy tarkiblar e’lon qilindi.
Bir-biriga mutlaqo qarama-qarshi uslubdagi va turli maktablarni ifodalovchi ikki klub bugungi kecha muxlislarga haqiqiy futbol shousi ulashishi kutilmoqda. Parij klubi kuchli tarkib bilan maydonga tushmoqda: darvozada Donnarumma, himoyada Xakimi va Mendesh, markazda Ruis, Vitinya va Nevesh, hujumda esa Barkolya, Due va jamoaning yangi yulduzi Kvaratsxeliya harakat qiladi.
Zaxirada Dembele, Ramush, Zair-Emeri kabi maydonga kirishi mumkin bo‘lgan xavfli futbolchilar bor.
“Inter Mayami” jamoasida esa e’tibor markazida, albatta, Lionel Messi. Unga yordamchi sifatida Buskets, Suares va Alba kabi sobiq “Barselona” yulduzlari jamoada asosiy tarkibdan o‘rin olgan. Shuningdek, yoshlardan Segoviya, Redondo va Veygandt kabi o‘yinchilar ham bu bellashuvda o‘zini ko‘rsatish imkoniyatiga ega.
Jamoalarning bugungi asosiy tarkibi nafaqat maydondagi taktik kurashni, balki strategiyalar to‘qnashuvini ham belgilab beradi. PSJning tajribali himoyasini Messining chap qanotdan uyushtiriladigan hujumlari sinovdan o‘tkazadi.
Ta’kidlash lozim, bugungi o‘yin jahon futboli yulduzlarini bir maydonda jamlagan holda o‘tadi va bu, shubhasiz, kechaning eng kutilgan bellashuvlaridan biridir.
Bellashuv 21:00 da start oladi. His-tuyg‘ularga boy va dramatik kecha bo‘lishi kutilayotgan PSJ – “Inter Mayami” bahsida kim g‘alaba qozonadi – muxlislar o‘zi guvoh bo‘ladi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
