Nasser al-Xelaifi Usmon Dembele “Oltin to‘p”ni olishini aytdi, deb Euro-football.ru xabar berdi.
Parij Sen-Jermen klubi prezidenti Nasser al-Xelaifi “Oltin to‘p” sovrindori haqida fikrlarini bildirdi.
Parij klubi tarixida ilk bor Chempionlar Ligasida g‘alaba qozondi. Klub prezidenti fikricha, ushbu nufuzli shaxsiy mukofotni Usmon Dembele qo‘lga kiritishi kerak.
Nasser al-Xelaifi ta’kidlashicha, agar Dembele joriy yilda “Oltin to‘p”ni yutolmasa, bu katta muammo bo‘ladi. Uning aytishicha, Dembele mavsum davomida ko‘rsatgan ajoyib o‘yini bunga to‘liq asos bo‘la oladi.
Dembele ushbu mavsumda barcha musobaqalarda jami 50 o‘yinda ishtirok etib, 33 ta gol urdi va 15 ta golli uzatma berdi. Bu natijalar uning Chempionlar Ligasi va boshqa musobaqalardagi yutuqlarini yaqqol ko‘rsatadi.
Nasser al-Xelaifi klub vakili sifatida Dembelening imkoniyat va qobiliyatlarini yuqori baholab, uni jahon futbolidagi eng kuchli futbolchilardan biri deb atadi. Bu fikrlar Dembelni “Oltin to‘p” uchun asosiy nomzodlardan biri sifatida ko‘rsatmoqda. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
