Klublar o‘rtasidagi Jahon chempionati chorak finalida Parijning “PSJ” klubi o‘z muxlislarini quvontirdi — Luis Enrike shogirdlari jahon grandlaridan biri “Bavariya” ustidan 2:0 hisobida muhim g‘alaba qozondi. Mazkur bellashuvda har ikki jamoa o‘z salohiyatini namoyon etdi, ammo parijliklar muvaffaqiyatga erishdi.
Birinchisi bo‘limda bavariyaliklar to‘p kiritgandi, ammo gol ofsayd sabab bekor qilindi. Bu vaqtda “PSJ” darvozaboni Donnarumma Musialaga nisbatan juda qo‘pollik qildi va germaniyalik futbolchi jiddiy jarohat tufayli o‘yinni erta tark etdi. Ikkinchi bo‘lim boshidanoq “Bavariya” faol hujumga o‘tdi, bir necha bor golga yaqinlashdi, ammo baribir hisobni ocha olmadi.
78-daqiqada Dizayr Duening goli parijliklarga ustunlik berdi. Oradan ko‘p o‘tmay “PSJ” himoyachisi Pacho qo‘pol harakat sabab qizil kartochka oldi va jamoa maydonda bir kishi kam bo‘lib qoldi. O‘yinning oxirgi daqiqalari yana dramatik voqealarga boy bo‘ldi — Xarri Keynning to‘pi yana ofsayd sabab bekor qilindi, qo‘shib berilgan daqiqalarda esa Entoni Teylar Luka Ernandesga ham qizil kartochka ko‘rsatdi. Ammo parijliklar hatto 9 kishi bo‘lib ham qarshi hujumni muvaffaqiyatli yakunlab, Usmon Dembele orqali ikkinchi golni urib, o‘yinga nuqta qo‘yishdi.
PSJ — "Bavariya" 2:0
Gollar: Dezire Due (78), Usmon Dembele (90+6)
PSJ: Donnarumma, Mendesh, Pacho, Markinos, Xakimi, Ruis, Vitinya, Nevesh, Kvaratsxeliya, Due, Barkolya.
Zaxira: Safonov, Tenas, Ernandes, Kamara, Beraldo, Li Kan In, Mayulu, Zair-Emeri, Dembele, Ramush, Mbaye.
Bavariya: Noyer, Stanishich, Ta, Upamekano, Laymer, Pavlovich, Kimmix, Musiala, Olise, Koman, Keyn.
Zaxira: Peres, Urbig, Aznu, Boe, Gerreyru, Kim Min Chje, Kiala, Bishof, Goretska, Karl, Palinya, Dayber, Gnabri, Kusi-Asare, Myuller.
Chetlatishlar: Villian Pacho (82), Lyuka Ernandes (90+2)
Endilikda PSJ yarim finalda “Real Madrid” va “Borussiya Dortmund” o‘rtasidagi juftlik g‘olibi bilan to‘qnash keladi. Bu g‘alaba Parij klubining Yevropadagi nufuzini yanada oshirish bilan birga, jamoaga finalga chiqish uchun katta ishonch berdi.
Zamin.uz ushbu va boshqa muhim sport yangiliklarini tez va xolis yoritishda davom etadi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
