O‘zbekiston futbolining istiqbolli yosh iste’dodlaridan biri Muhammadali Urinboev faoliyatini Yevropa chempionatida davom ettirishi kutilmoqda, deb UPL.uz xabar berdi.
Toshkentning “Paxtakor” klubida voyaga yetgan 20 yoshli yarim himoyachi Belgiyaning oliy divizionida ishtirok etuvchi “Antverpen” klubi bilan prinsipial kelishuvga erishgan.
Osiyo sport nashrlari, jumladan, Championat.asia’ning xabar berishicha, klublar va futbolchining vakillari o‘rtasidagi muzokaralar yakuniy bosqichga yetgan. Urinboevga nisbatan “Genk” klubi ham katta qiziqish bildirgan, biroq “Antverpen” bilan erishilgan og‘zaki kelishuv sababli ularning taklifi rad etilgan.
Urinboevning tanloviga asosiy sabab — doimiy o‘yin amaliyoti kafolatlanganidir. “Antverpen” rahbariyati yosh futbolchiga yetarli o‘yin vaqti berilishini va’da qilgan.
Shartnomaning rasmiy e’lon qilinishi ushbu haftaning o‘zida kutilmoqda. So‘ng Urinboev yangi klubiga qo‘shilib, mavsumga tayyorgarlikni boshlaydi.
Urinboev tarbiyalangan “Paxtakor” klubi nafaqat O‘zbekiston, balki butun Markaziy Osiyodagi eng taniqli futbol brendlardan biridir. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
