Jahon futbolidagi so‘nggi sensatsion voqealardan biri bo‘lgan PSJ — "Real" to‘qnashuvi atrofida qizg‘in muhokamalar davom etmoqda. Parij jamoasi klublar o‘rtasidagi Jahon chempionati yarim finalida "qirollik klubi"ni 4:0 hisobida mag‘lubiyatga uchratdi. Bu o‘yin nafaqat natija, balki uslubi bilan ham ko‘plab mutaxassislarni hayratga soldi.
Shu kabi fikrlarning eng yorqinlaridan biri — Angliya futbolining taniqli arbitri va hozirgi sport tahlilchisi Jeymi Karrager tomonidan bildirildi. "Liverpul"ning sobiq himoyachisi ushbu uchrashuvdan keyin o‘z ijtimoiy tarmoqdagi sahifasida shunday deb yozdi:
"Men PSJ o‘yinini ko‘rayotganda, xuddi Gvardiolaning "Barselona"si o‘ynayotgandek tuyiladi. Ularni bundan yaxshiroq so‘zlar bilan tavsiflashim qiyin."
Karragerning bu ta’rifi Luis Enrike shogirdlari namoyish etayotgan o‘yin uslubiga berilgan yuqori baho sifatida qabul qilindi. Aniqki, hozirgi PSJ — jahon futboli sahnasida o‘z o‘rnini topa olgan, yuqori darajadagi texnik va taktik yechimlarga ega jamoa hisoblanadi.
Eslatib o‘tamiz, kechagi yirik g‘alabadan so‘ng parijliklar finalga yo‘l oldi. Endi esa 13 iyul kuni PSJ "Chelsi"ga qarshi hal qiluvchi uchrashuvda maydonga tushadi. Ushbu bellashuvda Luis Enrike va Enso Mareska o‘rtasidagi murabbiylar dueli alohida e’tibor markazida bo‘ladi.
Futbol jamoatchiligi PSJning ushbu yurishini o‘zgacha qiziqish bilan kuzatmoqda. Ushbu jamoaning o‘yini nafaqat gollar, balki aqlbovar qilmas kombinatsiyalar, yuksak intizom va o‘z o‘yin uslubiga bo‘lgan sodiqlik bilan ham e’tibor qozonmoqda.
PSJ muxlislari esa jamoaning finaldagi harakatlaridan yanada kattaroq sevinch kutmoqda. Bir narsa aniq — Luis Enrike boshchiligidagi jamoa hozircha to‘xtashni o‘ylayotgani yo‘q. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
