Futbol olamida unutilmas lavhalardan biri yaqinda yuzaga kelishi mumkin. Jahon futboli yulduzi, “Inter Mayami” sardori Lionel Messi o‘zining tarixiy klubi — “Barselona” safida xayrlashuv uchrashuvini o‘tkazadi. Bu haqda Catalunya Ràdio xabarida ma’lum qilingan.
Manbada qayd etilishicha, kataloniyaliklar allaqachon ushbu tadbirni amalga oshirish uchun Messining shaxsan o‘zi bilan kelishuvga erishgan. Unga ko‘ra, xayrlashuv uchrashuvi 2026/27 yilgi mavsumda tashkil etiladi. Chunki aynan o‘sha vaqtga kelib “Kamp Nou” stadionidagi global rekonstruksiya yakunlanishi kutilmoqda.
Messi 2021 yili “Barselona”ni yoshga to‘lmagan holda emas, balki klub afsonasiga aylanib tark etgandi. Lekin klubning moliyaviy qiyinchiliklari uning yangi shartnomasini rasmiylashtirish imkonini bermagan va argentinalik yulduz “PSJ” safiga o‘tib ketgan edi.
Futbolchining “Barselona”dagi faoliyati raqamlarda ham beqiyos: 778 o‘yin, 672 gol, 303 assist. Bu ko‘rsatkichlar faqat statistika emas — bir avlodning bolalik xotirasi, ehtirosi va orzusini ifoda etadi.
Xayrlashuv uchrashuvi nafaqat “Barselona” uchun, balki butun futbol jamoatchiligi uchun esdalikka arziydigan voqea bo‘ladi. “Kamp Nou” stadionida so‘nggi bor Messini ko‘rish, uning qadrdon libosida so‘nggi zarbasini tomosha qilish — bu muxlislar uchun bebaho tuyg‘u bo‘ladi.
Futbol muxlislari hozirning o‘zida bu uchrashuvni intiqlik bilan kutmoqda. Chunki Lionel Messining “Kamp Nou”dagi so‘nggi harakati butun tarixning ramziy nuqtasiga aylanadi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
