Yangi formatdagi Klublar o‘rtasidagi jahon chempionatida zafar quchgan Londonning mashhur jamoasi — "Chelsi" rahbariyati futbolchilarni rag‘batlantirishga qaror qildi. Musobaqa g‘oliblari har biri 400 ming yevrodan mukofot puli olishadi, deb xabar berdi championat.com.
Bu qaror jamoaning butun mavsum davomidagi mehnatini e’tirof etish va futbolchilarning fidoyiligini alohida qadrlash maqsadida qabul qilingan. “Aristokratlar” finalda Yevropaning yana bir giganti PSJni yirik 3:0 hisobida mag‘lub etish orqali yangi formatdagi Jahon chempionatida ilk bor chempionlikni qo‘lga kiritishgan edi.
Bu g‘alaba “Chelsi” uchun nafaqat tarixiy, balki moliyaviy jihatdan ham katta ahamiyatga ega bo‘ldi. Avvalroq klub mazkur musobaqadagi muvaffaqiyati orqali 114 million yevro daromad olgani xabar qilingandi.
Mazkur mukofot futbolchilarning ruhiy holati va kelgusi mavsumdagi motivatsiyasiga ijobiy ta’sir ko‘rsatishi tabiiy. Shuningdek, klub ichidagi sog‘lom raqobat va jamoaviy muhitni yanada mustahkamlaydi.
Aytish joiz, “Chelsi” so‘nggi yillarda katta mablag‘ sarflagan bo‘lsa-da, trofeylar nuqtayi nazaridan ancha tanaffusda edi. Bu chempionlik jamoaga yangi nafas va ishonch bag‘ishladi. Muxlislar esa endi ushbu zafarli yo‘lning davomini yangi mavsumda ham ko‘rishni istashmoqda.
Final uchrashuvida ko‘rsatilgan o‘yin va jamoaviy uyg‘unlik "Chelsi"ning yuqori darajada qayta tiklanayotganini ko‘rsatmoqda. Murabbiy Enso Mareska uchun ham bu natija — yangi bosqich boshlanishi bo‘lishi mumkin.
Klub rahbariyatining bunday bag‘rikeng va adolatli mukofot siyosati esa jamoa ichidagi ishonch va professionallik muhitini yanada kuchaytirishi turgan gap. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
