Amerikada futbol kechasi yana bir bor "Inter Mayami" nomini tilga tushirdi. MLSning 20 iyul, ertalabgi bahsida “Inter Mayami” mehmonda “Nyu-York Red Bullz”ga qarshi maydonga tushdi va raqibini bo‘sh qo‘ymadi. Harrisonda joylashgan "Red Bull Arena"da o‘tgan bahs jamoa muxlislari uchun tom ma’noda tomoshabop kechdi.
"Inter Mayami" futbolchilari 90 daqiqa davomida raqib darvozasini ta’qib qilishdi va natijada beshta gol urishga erishishdi. Katta hissa esa, albatta, futbol yulduzi Lionel Messiga to‘g‘ri keldi — u dubl qayd etdi, bundan tashqari jamoadoshiga golli pas ham uzatdi.
Uchrashuvning hisobini "Red Bullz" futbolchisi Aleksandr Xak ochgan edi. U 14-daqiqada o‘z jamoasini oldinga olib chiqqan bo‘lsa-da, bu ustunlik juda uzoqqa cho‘zilmadi. Barcha narsa 24-daqiqada Jordi Albaning golidan so‘ng o‘zgardi. Keyin esa Telasko Segoviyaning ikki bor to‘pni darvozaga joylashtirishi "Inter Mayami"ni ustunlikka chiqardi. Messining ikkita go‘zal goli esa raqibni butunlay sindirib qo‘ydi.
Yakunda 5:1 hisobida yirik g‘alabani qo‘lga kiritgan Mayami jamoasi so‘nggi 7 o‘yindan 6 tasida g‘alabaga erishgan bo‘ldi. Bu natija jamoaning chempionlikka bo‘lgan jiddiy da’vo qiluvchi jamoa ekanini yana bir bor isbotladi.
"Red Bullz" esa so‘nggi uch uchrashuvning ikkinchisida yutqazdi va bu natija jamoa murabbiylar shtabida xavotir uyg‘otishi aniq. Jamoa himoyasidagi kamchiliklar va Messining individual mahorati esa ular uchun haqiqiy bosh og‘rig‘i bo‘ldi.
Qayd etish joiz, ushbu uchrashuvni stadionda 4128 nafar tomoshabin jonli kuzatdi. Ular esa aynan Messi, Segoviya va Jordi Alba kabi yulduzlarning o‘yiniga guvoh bo‘ldi. “Inter Mayami” esa muxlislarini yangi g‘alaba bilan xursand qildi va mavsumni yuqori tempda davom ettirmoqda. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
