Angliya Liga kubogida “Manchester Yunayted”ning sensatsion mag‘lubiyatidan so‘ng jamoa bosh murabbiyi Ruben Amorim o‘yin yuzasidan fikr bildirdi. Uning ta’kidlashicha, asosiy e’tibor hisobda emas, balki jamoa qay tarzda harakat qilganida bo‘lishi kerak.
— Men uchun jamoa hisobni tenglashtirishi yoki yo‘qligi emas, balki qanday belgilar bergani muhim. Ayniqsa, o‘yinning ilk bosqichida ko‘rsatilgan ishtiyoq katta ahamiyat kasb etadi. Menimcha, maydonda kuchliroq bo‘lgan tomon g‘alaba qozondi. Hatto eng yetakchi futbolchilar ham mag‘lub bo‘lishi mumkin, chunki har qanday jamoa, to‘g‘ri yondashuv bilan, har qanday raqibdan ustun kelishi mumkin, — dedi Amorim BBC orqali.
Murabbiyning so‘zlariga ko‘ra, kecha jamoa ham, ayrim futbolchilar ham o‘z bayonotlarini maydonda berdi. — Ha, biz mag‘lub bo‘ldik. Kuchliroq jamoa g‘alaba qozondi. Biroq futbolchilar o‘zlarining juda qat’iy bayonotlarini namoyish qilishdi. Hammaga qaysi holat haqida gap ketayotgani ravshan, shunday ekan, biz yo‘limizda davom etishimiz lozim, — deya qo‘shimcha qildi u.
Amorim shuningdek, “Yunayted” kerakli intensivlik bilan o‘yinga kirisholmaganini tan oldi. — Biz startdagi kuchni yo‘qotdik, pressing g‘oyasidan ajralib qoldik va o‘zimizni yo‘qotgandek ko‘rindik. Shu bois yana takrorlayman: bugun futbolchilar maydonda o‘zlarini ifodalashdi, — deya xulosa qildi murabbiy.
Muttaxassislar fikricha, ushbu mag‘lubiyat “Yunayted” uchun og‘ir zarba bo‘lsa-da, jamoa uchun katta dars hamdir. Muxlislar esa Amorim shogirdlarining keyingi o‘yinlarda qanday o‘zgarish ko‘rsatishini katta qiziqish bilan kutmoqda.
