Portugaliya futbol federatsiyasi rasmiy bayonot orqali milliy terma jamoaning sentyabr oyidagi o‘yinlarda maydonga tushadigan futbolchilar tarkibini ochiq qildi. Cha qiruv ro‘yxati yanada qiziqarli ko‘rinishga ega bo‘lib, unda ham tajribali yulduzlar, ham yosh iste’dodlar o‘rin olgan.
Darvozabonlar qatorini Diogu Koshta («Portu»), Ruy Silva («Sporting») va Joze Sa («Vulverhempton») to‘ldirdi. Ular milliy jamoa posbonligi uchun asosiy nomzodlar sifatida qayd etildi.
Himoya chizig‘i ham ancha kuchli shakllandi. Diogu Dalo («Manchester Yunayted»), Joau Kanselu («Al Hilol»), Ruben Diash («Manchester Siti»), Renatu Veyga («Vil’yarreal»), Antoniu Silva («Benfika»), Nunu Mendesh (PSJ) va Gonsalu Inasiu («Sporting») raqib hujumlarini to‘xtatish uchun asosiy ishonchga sazovor nomlar bo‘ladi.
Yarim himoyachilar safi esa yanada ta’sirchan. Joau Palinya («Tottenhem»), Joau Nevesh va Vitinya (ikkalasi ham PSJ safidan), Ruben Nevesh («Al Hilol»), Brunu Fernandesh («Manchester Yunayted») hamda Bernardu Silva («Manchester Siti») maydon markazida jamoaning harakat motori bo‘lishi kutilmoqda.
Hujumchilar esa Portugaliya safini yanada yorqin qiladi. Jahon futboli afsonasi Krishtianu Ronaldu («Al Nasr») bilan bir qatorda, Pedru Netu («Chelsi»), Fransisku Trinkan («Sporting»), Fransishku Konseysau («Yuventus»), Gonsalu Ramush (PSJ), Pedru Gonsalvesh («Sporting») va Joau Feliks («Al Nasr») raqib darvozalariga jiddiy xavf tug‘diradi.
Mutaxassislar fikricha, ushbu tarkib Portugaliya uchun Yevropa va jahon sahnasida jiddiy raqobatbardosh kuch bo‘lib xizmat qiladi. Muxlislar esa Ronaldu va yosh yulduzlarning birga qaysi darajada o‘yin namoyish qilishini qiziqish bilan kutishmoqda.
“Zamin”ni Telegramʻda oʻqing!
