Kristofer Nkunku “Milan” safida: rasmiy transfer e’lon qilindi
“Milan” klubi “Chelsi” hujumchisi Kristofer Nkunkuning transferini rasman e’lon qildi. 27 yoshli fransuz futbolchisi yangi jamoasi bilan 2030 yilning 30 iyuniga qadar shartnoma imzoladi va 18-raqam ostida maydonga tushadi. Transfer uchun “Milan” 37 million yevro to'lashi, bonuslar hisobiga umumiy summa esa 42 million yevrogacha ko'tarilishi mumkin. Nkunku 2023 yilning iyulidan buyon “Chelsi” safida 62 ta bahsda 18 ta gol va 5 ta golli uzatmaga mualliflik qilgan.
“Chelsi” hujumchisi Kristofer Nkunku endi Italiyada faoliyatini davom ettiradi. “Milan” klubi 27 yoshli fransuz futbolchisining transferini rasman ma’lum qildi.
Yangi kelishuv shartnomasiga ko‘ra, Nkunku “rossonerilar” safida 2030 yilning 30 iyuniga qadar to‘p surishi kutilmoqda. Shuningdek, u jamoada 18-raqam ostida maydonga tushadi.
Avvalroq, italiyaliklar bu transfer uchun 37 million yevro to‘lashi aytilgandi. Keyinchalik turli bonuslar qo‘shilishi orqali umumiy summa 42 million yevrogacha ko‘tarilishi mumkinligi ham ma’lum qilingan.
Ma’lumot uchun, Nkunku 2023 yilning iyulidan buyon “Chelsi” sharafini himoya qilib keldi. London klubi uni “Leypsig”dan 60 million yevroga sotib olgandi. Angliya klubi safida u 62 ta bahsda maydonga tushib, 18 ta gol urishga va 5 ta golli uzatma berishga erishdi.
Muttaxassislar fikriga ko‘ra, Nkunkuning “Milan”ga qo‘shilishi jamoaning hujum chizig‘ida katta kuch bo‘ladi. Muxlislar esa uning Italiya chempionatida qanday o‘yin ko‘rsatishini katta qiziqish bilan kutmoqdalar.
Izohlar 0
…