Turkiya Superligasining 4-turidan o‘rin olgan uchrashuvda «Bashakshehir» o‘z maydonida «Eyupspor»ni qabul qildi va bellashuv golsiz natija bilan yakunlandi.
Istanbul klubi safida yurtimiz futbolchilari — Eldor Shomurodov hamda Abbosbek Fayzullayev asosiy tarkibdan o‘rin oldi. Abbos uchun bu Turkiya chempionatidagi ilk debyut hisoblandi. U 70 daqiqa maydonda to‘p surib, sariq kartochka olib ulgurdi. Eldor esa butun bellashuvni maydonda o‘tkazdi.
Shu tariqa, «Bashakshehir» mavsumdagi ikkinchi uchrashuvini ham durang bilan yakunladi. Jamoa hozirda 2 ochko bilan turnir jadvalida 12-pog‘onada joylashgan. Biroq istanbulliklar zaxiradagi ikki bahsi bilan holatni o‘z foydalariga o‘zgartirishi mumkin. «Eyupspor» esa 4 ochko to‘plab, 9-o‘rinni egallab turibdi.
Turkiya chempionati. 4-tur
Bashakshehir — Eyupspor 0:0
31-avgust. Fotih Terim stadioni
Bashakshehir: Dilmen, Ba, Zelke, Kemen, Operi, Opoku, Sari (Turuch, 70), Fayzullayev (Brnich, 70), Shomurodov, Ebosele, Ergun (Gunesh, 46).
Eyupspor: Felipe, Yalchin, Klaro, Muyakich, Kalegari (Ulvan, 70), Demirbey (Taskin, 89), Yalchin, Gyurler (Akbunar, 61), Seslar, Dregush (Ampem, 46), Bozok (Altinbash, 89).
Ogohlantirishlar: Demirbey (9), Dregush (35), Fayzullayev (42), Ba (46), Ampem (72), Bozok (79), Opoku (90+1).
“Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing
Mavzuga oid yangiliklar
