La Liga rahbariyati avgust oyining eng yaxshi futbolchisini aniqlash jarayonini boshladi. Mukofot sohibi muxlislar ovoz berishi orqali belgilanadi. Ushbu nufuzli sovrin uchun besh nafar futbolchi kurash olib boradi.
“Barselona”ning yosh iqtidor egasi Lamin Yamal bu oyda 3 ta o‘yinda maydonga tushib, 2 ta gol urdi va yana 2 marta hamjamoasiga golli uzatma berdi. Uning yorqin o‘yini muxlislar diqqat markazida bo‘ldi.
“Real” yulduzi Kilian Mbappe esa avgust oyida 3 ta bahsda ishtirok etib, har uchala uchrashuvda ham to‘p kiritishga muvaffaq bo‘ldi. Uning samaradorligi raqiblar uchun jiddiy xavf bo‘lib turibdi.
"Atletik" vakili Niko Uilyams 3 ta o‘yinda 1 gol urdi va yana 1 golli pas bilan ajralib turdi. "Espanol" forvardi Pere Milya esa shu oyda 2 marta raqib darvozasini ishg‘ol etdi.
“Vilyarreal” safida harakat qilayotgan Nikolya Pepe ham 3 ta bahsda 2 ta gol urib, yana 1 golli uzatma amalga oshirdi.
Shunday qilib, La Ligada avgust oyining eng yaxshi futbolchisi kim bo‘lishi muxlislar tanloviga bog‘liq. Ishqibozlar o‘z ovozini 8-sentyabrga qadar berish imkoniyatiga ega.
Bu besh nomzod ichida asosiy e’tibor, tabiiyki, Lamin Yamal va Kilian Mbappega qaratilmoqda. Ular avgust oyidagi yorqin harakatlari bilan “oy futbolchisi” sovriniga jiddiy da’vogar sifatida qayd etilmoqda.
“Zamin”ni Telegramʻda oʻqing!
