O‘zbekistonlik bokschi Murodjon Ahmadaliyev 14 sentyabr kuni Yaponiyaning Nagoya shahrida Naoya Inoue bilan jang qiladi, deb Kursiv.uz xabar berdi. Salaryleaks ma’lumotlariga ko‘ra, Ahmadaliyev ushbu jang uchun jami $6 mln (taxminan 75 milliard so‘m) oladi.
Jangning umumiy mukofot jamg‘armasi $20 mln qilib belgilangan bo‘lib, undan 75% Inouega, 25% esa Ahmadaliyevga to‘g‘ri keladi. Yaponiyalik bokschiga kafolatlangan gonorar sifatida $15 mln ajratilgan.
Inoue qo‘shimcha tarzda PPV (pullik translyatsiya) orqali yana taxminan $4 mln daromad olishi mumkin. Bu natija uning sport faoliyatidagi eng katta umumiy daromadi bo‘ladi — avvalgi rekordi Yu Jun Kimga qarshi jangdagi $7 mln edi.
Ahmadaliyev asosiy jang uchun $5 mln gonorar oladi, shuningdek, translyatsiyalar hisobidan yana $1 mln qo‘shiladi. Umumiy daromadi $6 mln bo‘lib, bu uning professional faoliyatidagi eng yuqori gonorari hisoblanadi.
Ayni paytgacha Ahmadaliyev professional ringda 15 jang o‘tkazgan: ularning 14 tasida g‘alaba qozongan va 1 marta mag‘lub bo‘lgan. Inoue esa hozirgacha 30 jang o‘tkazib, ularning barchasida g‘alaba qozongan.
“Zamin”ni Telegramʻda oʻqing!
