«Manchester Siti» ustozi Pep Gvardiola jamoasi haqida gapirar ekan, uni bu yilgi Chempionlar ligasining asosiy sovrindorlaridan biri sifatida ko‘rmasligini ta’kidladi. Ertaga «shaharliklar» umumiy bosqichning ilk turida Italiya chempioni «Napoli» bilan to‘qnash keladi.
Gvardiola jurnalistlar bilan suhbatda o‘z fikrlarini ochiq bayon qildi:
— Biz o‘zimizni turnirning yetakchi da’vogarlari sifatida ko‘rmayapmiz. Bizning asosiy maqsadimiz — har bir o‘yindan zavq olish va bu musobaqada qatnashishdan xursand bo‘lish. Ertaga bo‘ladigan bahs ham, turnirning boshlanishi ham biz uchun juda muhim.
Tajribali murabbiy shuningdek mavsum taqvimi yanada zichlashganini ham qayd etdi:
— Bu yilgi o‘yinlar soni oldingi mavsumlardan ko‘proq. Agar birinchi qadamdayoq yomon natija qayd etsak, keyingi bosqichlarda qiyinchiliklar bo‘lishi aniq. Esingizda bo‘lsa, o‘tgan mavsumda birinchi turda «Inter»ga qarshi durang qayd etgandik. Bu safar esa, umid qilamanki, natijalarimiz yaxshiroq bo‘ladi, — dedi Gvardiola.
Shu tariqa, «Manchester Siti»ning mashhur murabbiyi o‘z jamoasiga bosimni kamaytirishga harakat qilmoqda. Ammo «shaharliklar»ning Yevropa maydonida qanday natija ko‘rsatishi, albatta, futbol ishqibozlari uchun katta qiziqish uyg‘otmoqda.
“Zamin”ni Telegramʻda oʻqing!
