Angliya Premer-Ligasining 6-turida Londonning “Chelsea” jamoasi o‘z maydonida “Brighton”ni qabul qildi. O‘yin “ko‘klar” uchun yaxshi boshlangan bo‘lsa-da, yakunda 1:3 hisobidagi mag‘lubiyat bilan yakunlandi.
24-daqiqada Enzo Fernandez tomonidan kiritilgan gol evaziga Chelsea hisobda oldinga chiqdi. Ammo 53-daqiqada Trevoh Chalobahning qizil kartochka olishi butun o‘yinning burilish nuqtasiga aylandi. Shundan keyin maydonda son jihatidan ustun bo‘lgan Brighton asta-sekinlik bilan tashabbusni qo‘lga oldi.
77-daqiqada Danny Welbeck hisobni 1:1 ga tenglashtirdi. Uchrashuvning eng dramatik pallasi esa hakam tomonidan qo‘shilgan daqiqalarda bo‘ldi. Welbeck 90+10' da dubl qayd etdi, De Keijzer esa 90+2’ da gol urib, o‘yinga yakun yasadi.
Statistik ko‘rsatkichlarga ko‘ra, Chelsea to‘pga egalik qilishda (59%), paslarda (450) va aniqlikda (84%) ustun bo‘ldi. Lekin Brighton 12 zarba, 7 burchak to‘pi va uchta aniq zarba bilan foydaliroq o‘yin ko‘rsatdi.
Bu natija Chelsea uchun og‘ir zarba bo‘ldi — ular turnir jadvalida 7-o‘ringa tushib ketdi.
“Zamin”ni Telegramʻda oʻqing!
