“Barselona” bosh murabbiyi Xans-Diter Flik La Liganing 8-turida “Sevilya”ga qarshi kechgan noxush natijadan so‘ng jamoaga yaqinlarni tinchlantiruvchi bayonot berdi. Uning so‘zlaricha, mag‘lubiyatni real qabul qilish, xulosa chiqarish va tezroq tiklanish eng muhim vazifa.
Flik birinchi bo‘limda jamoa ko‘plab noaniq qarorlar qabul qilgani, raqib esa agressiv bosim va tezkorlik hisobidan ustunlikka intilganini qayd etdi. Ikkinchi bo‘limda esa “blaugrana” o‘yin tezligini oshirib, tashabbusni qo‘lga olishga urinib, bir qancha xavfli hujumlar yaratgani, ammo raqib imkoniyatlarini yaxshiroq amalga oshirganini ta’kidladi.
Murabbiy oktyabr oyidagi terma jamoalar tanaffusi “Barselona” uchun ruhiy va jismoniy qayta tiklanish imkonini berishini aytib, futbolchilar milliy jamoalardan qaytar-qiytmas, kayfiyat va formani eng yuqori cho‘qqiga olib chiqish ustida qattiq mehnat qilishlarini bildirdi. “Biz muxlislar uchun o‘ynaymiz. Hozir eng to‘g‘ri yo‘l — mag‘lubiyatni qabul qilish, birdamlikni saqlash va oldinga qarash,” dedi Flik.
U shogirdlari bilan qo‘yilgan pressing, birinchi pasdan chiqish, o‘tish fazalaridagi xatolar va taymlar orasidagi intizomni alohida tahlil qilishini, shu orqali jamoa barqarorligini oshirishni rejalashtirayotganini qo‘shimcha qildi. “Biz yaxshi jamoamiz. Tanaffusdan keyin har bir sovrin uchun kurashamiz,” — deya fikrini yakunladi mutaxassis.
Ma’lumot uchun, kataloniyaliklar 8-turdan so‘ng 19 ochko to‘plab, turnir jadvalida 2-o‘rinni egallab turibdi.
“Zamin”ni Telegramʻda oʻqing!
