“Manchester Yunayted”da ichki muhit va ishonch masalasi bevosita sardor va yetakchilar bilan gaplashilib tekshirildi. ESPN yozishicha, bosh direktor Umar Berrada hamda sport siyosati rahbari Jeyson Uilkoks jamoaning bir qator futbolchilari, jumladan sardor Brunu Fernandesh bilan norasmiy suhbat uyushtirib, futbolchilar hali-ham bosh murabbiy Ruben Amorim loyihasiga ishonishini aniqlab oldi.
Klub manfaatlariga oid ushbu muloqot hech qanday qaror chiqarish yoki kelajakni oldindan belgilash uchun emas, balki kiyimxona kayfiyatini his qilish, fikr-takliflarni yozib olish va jarayonlar to‘g‘ri yo‘nalishda ekaniga ishonch hosil qilish maqsadida o‘tkazilgani ta’kidlandi. Suhbatlarda Amorim haqidagi munosabat ijobiy: 40 yoshli portugal mutaxassisning ish uslubi va talabchanligi qo‘llab-quvvatlanmoqda, jamoada sog‘lom atmosfera hukm surayotgani qayd etildi.
Sport nuqtayi nazaridan manzara ochiq: Premer-liganing 7 turidan so‘ng “Yunayted” 10 ochko to‘plab, jadvalda 10-pog‘onada. Raqamlar ideal emas, ammo rahbariyatning futbolchilar bilan yuzma-yuz muloqoti — klubning asabi bot-tomonga ketmasdan, bir maqsadda yig‘ilib, maydondagi ishni yaxshilashga qaratilganini ko‘rsatadi.
Qisqasi, “Old Trafford”da hozircha hech qanday shoshma-shoshar xulosa yo‘q: murabbiyga ishonch saqlanadi, o‘yin va natijani oshirish esa barchaning qo‘shma vazifasi bo‘lib qoladi.
“Zamin”ni Telegramʻda oʻqing!
