Krishtianu Ronaldu yana bir bor tarixga yozildi. Portugaliyalik yulduzning boyligi 1,4 milliard dollar deb baholandi va u futbol tarixidagi ilk milliarder sportchiga aylandi.
Ma’lumotga ko‘ra, Ronalduning boyligi ilk bor indeksga kiritildi va u uzoq yillik raqibi Lionel Messidan o‘tib, sport olamining eng daromadli futbolchisi sifatida tan olindi.
Ronalduning moliyaviy yutuqlari katta maoshlar, reklama kelishuvlari va shaxsiy bizneslardan shakllangan. 2023-yilda Saudiya Arabistonining “Al Nasr” klubiga o‘tganidan so‘ng, uning yiliga daromadi 200 million dollarga yetdi.
Nike, Armani va Castrol bilan hamkorliklar Ronalduga katta mablag‘ olib kelmoqda. Shuningdek, u CR7 brendi orqali mehmonxona, sportzal va kiyim-kechak tarmoqlariga egalik qiladi.
Futbolchi ijtimoiy tarmoqlarda ham yetakchi — Instagram’da 660 milliondan ortiq obunachiga ega.
Yaqinda u Portugal Football Globes marosimida Prestij mukofotiga sazovor bo‘lib, yana bir bor o‘zining dunyodagi nufuzini isbotladi.
“Zamin”ni Telegramʻda oʻqing!
