Neymar: Inyesta — men o‘ynagan eng yaxshi yarim himoyachi

“Barselona” jamoasi hujumchisi Neymar jamoadoshi Andres Inyesta dunyodagi eng yaxshi yarim himoyachi ekanini aytdi.

“Men uchun Inyesta dunyodagi eng yaxshi yarim himoyachi. Uning o‘yin darajasi ortiqcha izohga muhtoj emas. Uning o‘zgacha o‘yin uslubi uni boshqalardan ajratib turadi”, – dedi Neymar.

Joriy mavsumda ispaniyalik yarim himoyachi Ispaniya chempionatining 8 o‘yinida 3 ta golli uzatmaga mualliflik qildi.