Yevropa Chempionlar Ligasi guruh bosqichining uchinchi tur uchrashuvlari davom etmoqda. Italiyaning "Inter" jamoasi safarda Belgiya klubi "Union" ustidan ishonchli g‘alabaga erishdi.
Uchrashuvda argentinalik hujumchi Lautaro Martines o‘zining navbatdagi golini urdi. Martines ikkinchi bo‘lib to‘p kiritdi va bu gol tanaffus oldidan jamoasiga muhim ustunlik berdi. "Inter" sardori va yetakchisi bo‘lgan Lautaro Martines uchun bu gol Chempionlar Ligasi doirasida 2025-yil davomida urilgan o‘n birinchi to‘p bo‘ldi.
Shu natija bilan u turnirda ishtirok etayotgan barcha futbolchilar orasida eng ko‘p gol muallifiga aylandi. Martines avvalgi mavsum o‘yinlari natijalarini ham hisobga olgan holda, bu yili Chempionlar Ligasi to‘purarlari safida yetakchilik qilmoqda.
"Inter" klubi esa keyingi bosqichga chiqish uchun yaxshi imkoniyatga ega bo‘ldi.
“Zamin”ni Telegramʻda oʻqing!
