"Brayton" yarim himoyachisi Carlos Baleba jamoani tark etishi mumkinligi haqidagi doimiy mish-mishlar fonida bosh murabbiy Fabian Hyurtsele bilan shaxsiy suhbat o'tkazdi. Euro-football.ru ma'lumotiga ko'ra, Baleba ushbu uchrashuvda "Brayton"ga sodiqligini bildirib, "Manchester Yunayted" bilan bog'liq gap-so'zlarga e'tibor bermasligini aytdi.
Yangi mavsumda Baleba o'yinlari bilan muxlislarni hayratga solmayapti. Ko'pchilik uning natijalarini yozda amalga oshmagan transfer bilan bog'lamoqda.
Manbaga ko'ra, futbolchining sport formasiga tizzasidagi muammolar ham ta'sir qilgan. 21 yoshli Kamerun futbolchisi hozirgacha barcha musobaqalarda o'nta uchrashuvda maydonga tushdi, biroq gol yoki assist qayd eta olmadi.
Balebaning "Brayton" bilan amaldagi shartnomasi 2028 yilgacha davom etadi.
