"Bavariya" bosh murabbiyi Vensan Kompani Myonxengladbaxning "Borussiyas"i ustidan 3:0 hisobida erishilgan g‘alabadan so‘ng o‘z fikrlarini bildirdi. Myunxen jamoasi joriy mavsumda dastlabki 13 ta o‘yinda g‘alaba qozonib, Yevropa top-chempionatlari rekordi bo‘yicha 1992-yilda "Milan" tomonidan o‘rnatilgan natijani takrorladi.
"Ha, bu albatta taassurot qoldiradi, lekin biz bunga qanoat qilmasligimiz kerak – shu ruhda davom etishimiz zarur. Chorshanba kuni biz Kyoln jamoasiga qarshi kubok uchrashuvini o‘tkazamiz va bu allaqachon boshqa hikoya.
Hozircha biz yana darvozamiz daxlsizligini saqlab qolganimiz uchun xursandmiz. Jamoa ajoyib formada, ammo o‘zimizni yo‘qotmaslik va tinimsiz mehnat qilish muhim", – dedi Kompani DAZN bilan suhbatda.
"Bavariya" Bundesliganing turnir jadvalida 8 ta turdan so‘ng 24 ochko bilan birinchi o‘rinda bormoqda va "RB Leypsig"dan 5 ochkoga oldinda turibdi.
“Zamin”ni Telegramʻda oʻqing!
