“Atalanta” bosh murabbiyi Ivan Yurich “Milan”ga qarshi o‘yin oldidan matbuot anjumanida ishtirok etdi. Italiya chempionatining to‘qqizinchi turi doirasidagi uchrashuv 28-oktyabr kuni kechqurun bo‘lib o‘tadi.
Yurich so‘nggi o‘yinlarda samaradorlik pastligi va bir qator durang natijalarga qaramay, ijobiy kayfiyatda ekanligini bildirdi. “Biz ko‘plab imkoniyatlar yaratdik, lekin ularni golga aylantira olmadik.
Jamoa yaxshi holatda, Lukkman to‘liq safda, unga faqat gol urish yetishmayapti. Har 2-3 kunda o‘ynash qiyin, lekin biz o‘z holatimizni doimiy tahlil qilib turibmiz.
"Milan"ni to‘xtatish uchun bizga ritm va mustahkamlik kerak”, - dedi Yurich Football Italia nashriga bergan intervyusida. Murabbiy, shuningdek, darvozabon Marko Karnesekki bilan hech qanday kelishmovchilik yo‘qligini, unga nisbatan aytilgan so‘zlar faqat hissiyotlar taʼsiri ostida bo‘lganini taʼkidladi.
"Milan" A Seriya turnir jadvalida 17 ochko bilan uchinchi o‘rinda bormoqda. "Atalanta" esa 12 ochko bilan yettinchi o‘rinda joylashgan.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
