Portugaliyalik afsona Krishtianu Ronaldu Saudiya Arabistonidagi faoliyati davomida haligacha birorta ham rasmiy sovrinni qo‘lga kirita olmadi. Taniqli TNT Sports portali keltirgan statistikaga ko‘ra, “Al Nassr” safida to‘p surayotgan 40 yoshli hujumchi jamoasi bilan birgalikda 13 ta sovrin uchun kurashda omadsizlikka uchragan.
Ronaldu “Al Nassr”ga 2022-yilning dekabrida qo‘shilgan edi. O‘tgan vaqt mobaynida u jamoasi bilan bir qator musobaqalarda finalgacha yetib bordi, ammo barchasida sovrinsiz qoldi.
Quyida Krishtianu Ronalduning Saudiyadagi muvaffaqiyatsiz sovrinlar ro‘yxati keltirilgan:
2022/23 mavsum:
– Saudiya chempionati (Campeonato Saudita) – mag‘lubiyat
– Qirol kubogi (Copa do Rei Saudita) – mag‘lubiyat
– Saudiya superkubogi (Supercopa Saudita) – mag‘lubiyat
2023/24 mavsum:
– Saudiya chempionati – mag‘lubiyat
– Qirol kubogi – mag‘lubiyat
– Saudiya superkubogi – mag‘lubiyat
– Osiyo chempionlar ligasi (Champions Asiática) – mag‘lubiyat
2024/25 mavsum:
– Saudiya chempionati – mag‘lubiyat
– Qirol kubogi – mag‘lubiyat
– Saudiya superkubogi – mag‘lubiyat
– Osiyo chempionlar ligasi – mag‘lubiyat
2025/26 mavsum:
– Qirol kubogi – mag‘lubiyat
– Saudiya superkubogi – mag‘lubiyat
Shu tariqa, Ronaldu “Al Nassr” safidagi to‘rt mavsum ichida 13 ta rasmiy sovrin uchun kurashda ishtirok etdi va birortasida g‘olib chiqa olmadi. Bu holat futbol dunyosida katta muhokamaga sabab bo‘ldi — chunki Yevropa sahnasini zabt etgan yulduz Saudiyada omadsizlik silsilasini to‘xtatolmayapti.
Shu bilan birga, “Al Nassr” ayni paytda Saudiya Pro Ligasida peshqadamlar safida boryapti va Ronalduning o‘zi esa gollar soni bo‘yicha yetakchilar orasida. Ammo statistika shundoq deydi — u kelganidan buyon jamoa 13 ta finalda ishtirok etdi va barchasini boy berdi.
Bu natija Ronalduning “Al Nassr” bilan katta sovrinlar sari yo‘li hali ham murakkab va uzoq ekanini ko‘rsatmoqda.
“Zamin”ni Telegramʻda oʻqing!
