Markus Tyuram 30-oktabr kuni Milanning “Inter” jamoasi asosiy tarkibi bilan mashgʻulotlarga qaytdi. Bu haqda Football Italia xabar berdi.
Tyuram 30-sentabr kuni Chempionlar Ligasi doirasida Praganing “Slaviya” jamoasiga qarshi oʻyindan soʻng maydonga tusha olmadi. Mazkur oʻyinda “neradzurri” 3:0 hisobida gʻalaba qozongan edi.
Final hushtagidan soʻng fransiyalik hujumchi matbuot zonasi yaqinida oqsoqlanib koʻringan boʻlsa-da, dastlab bu haqida xavotirlanmaslikni aytgan edi. Shundan beri Tyuram tizza payining shikastlanishi sababli 30 kunni oʻtkazib yubordi.
U shu vaqt ichida A Seriyaning 4 ta oʻyini, Chempionlar Ligasining 1 oʻyini va milliy terma jamoa oʻyinlarini oʻtkazib yubordi. Avvaliga futbolchining 25-oktabr kuni “Napoli”ga qarshi oʻyinga qaytishi mumkinligi haqida xabar berilgan edi, biroq bu muddat keyinga surildi.
Endi uning 2-noyabr kuni “Verona”ga qarshi oʻyinda ishtirok etishi ham nomaʼlum boʻlib turibdi.
Mehmon guruhidagi foydalanuvchilar ushbu nashrga izoh qoldira olmaydi.
