Barselona darvozaboni Xoan Garsiya jarohatdan so'ng tez orada maydonga qaytishi kutilmoqda. 24 yoshli futbolchi sentyabr oxiridan beri tizzasidagi jarohat sabab o'yinlarda qatnashmagan edi.
Diario Sport xabariga ko'ra, Garsiya mashg'ulotlarni boshlagan va o'zini yaxshi his qilmoqda. Asosiy darvozabonning noyabr oyidagi milliy jamoalar o'yinlari oldidan to'liq tiklanib ulgurishi ehtimoldan xoli emas.
Manba ma'lumotlariga ko'ra, Garsiya "Elche" va "Bryugge"ga qarshi yaqin ikki uchrashuvni o'tkazib yuborishi aniq, biroq 9-noyabr kuni "Selta"ga qarshi o'yinda qaytishi mumkin. Shunga qaramay, murabbiylar shtabi futbolchining salomatligini xavf ostiga qo'ymaslik uchun xalqaro tanaffus tugaguniga qadar uni zaxirada ushlab turishga qaror qilishi mumkin.
Mehmon guruhidagi foydalanuvchilar ushbu nashrga izoh qoldira olmaydi.
