Angliya Premer-ligasining 10-tur uchrashuvlari 1-noyabr kuni boshlanadi. Dastlabki o‘yinlarda “Brayton” “Lids”ni, “Byornli” esa kuchli raqib “Arsenal”ni qabul qiladi. Shuningdek, “Kristal Pelas” – “Brentford”, “Fulxem” – “Vulverhempton” va “Nottingem Forest” – “Manchester Yunayted” o‘yinlari ham bir vaqtda o‘tkaziladi.
Kun yakunida eng kutilayotgan bahs — “Tottenhem” va “Chelsi” o‘rtasida kechadi. Ushbu o‘yin London derbisi hisoblanib, ikki jamoa ham yuqori o‘rinlar uchun kurashda muhim ochkolarni qo‘lga kiritishni maqsad qilgan. Kech soat 01:00 da esa “Liverpul” o‘z maydonida “Aston Villa” bilan to‘qnashadi.
2-noyabr kuni “Vest Hem” – “Nyukasl” o‘yini bilan davom etadi, kechga borib esa “Manchester Siti” “Bornmut”ga qarshi maydonga tushadi. Pep Gvardiola shogirdlari chempionlik poygasida yetakchilikni saqlab qolishga harakat qiladi.
Tur yakuniy o‘yini 3-noyabr tongida “Sanderlend” va “Everton” jamoalari o‘rtasida bo‘lib o‘tadi. Ushbu hafta turida kuchli jamoalar o‘z pozitsiyalarini mustahkamlashni, past o‘rindagi klublar esa muhim ochkolar bilan vaziyatni yaxshilashni ko‘zlamoqda.
“Zamin”ni Telegramʻda oʻqing!
