“Barselona” bosh murabbiyi Xans-Diter Flik yarim himoyachi Pedrining jarohati haqida fikr bildirdi. 22 yoshli futbolchi Madridning “Real” jamoasiga qarshi o‘yinda 100-daqiqagacha harakat qildi, biroq ikkinchi sariq kartochka olib maydondan chetlatildi.
“El-Klasiko”dan so‘ng Pedrida jiddiy jarohat aniqlanib, uning tiklanishi dekabr o‘rtalarigacha cho‘zilishi mumkinligi ma’lum bo‘ldi. “Pedrining jarohati bizni hayratga soldi.
Madriddagi o‘yindan keyin u faqat engil noqulaylik va charchoq his qilgan edi, biroq tekshiruvlar muammolarni aniqladi. Bunga ko‘nikishdan boshqa chora yo‘q.
Albatta, biz asosiy futbolchilarimizdan birining yo‘qligidan aziyat chekamiz, lekin uning tezroq safga qaytishiga umid qilamiz”, – dedi Flik matbuot anjumanida. Yakshanba kuni “Barselona” La Liga doirasida “Elche” jamoasiga qarshi uy uchrashuvini o‘tkazadi.
