Everton Chelsi hujumchisini nishonga oldi

Chelsi hujumchisi Nikolas Jekson, hozirda ijara asosida Bavariya safida toʻp surayotgan boʻlsa-da, boshqa Angliya Premer-ligasi klubiga oʻtishi mumkin. Football Insider maʼlumotlariga koʻra, Senegal terma jamoasi hujumchisini Everton kuzatmoqda.

Manbalarga koʻra, Bavariya Jeksonning shartnomasida koʻrsatilgan 80 million yevroni toʻlashni rejalashtirmagan, chunki futbolchi asosiy tarkibda mustahkam oʻrin olmagan. 24 yoshli Jekson yozgi transfer oynasida Chelsidan Bavariyaga ijaraga oʻtgan edi.

Ushbu mavsumda u nemis klubi safida 10 ta oʻyinda maydonga tushib, 2 ta gol urdi va 1 ta golli uzatmani amalga oshirdi.